Låttexter: Canta U Populu Corsu. A Preghera.

Pe u zitellu in collu a mamma e chi si more
Quandu i cumpagnoli ghjocanu a l'amore
Si l'acellu feritu, un sa mancu perche
A so ala he di sangue e tombu u so gude
Pe la sete e la fame e tutti l'ohimme
Vi salutu, o Mari.

Pe li ciucci minati e lu briacu tortu
Pe u sumere chi riceve i calci in corpu
Pe u nucente ch'ha la so vita inghjuliata
Pe a zitella persa quand'omu l'ha spugliata
Pe u figliolu ch'ha la so mamma insultata
Vi salutu, o Mari.

Pe la vechja sottu la soma ch'ha suffertu
E chjama a Diu sordu in paese disertu
Pe u malavviatu ch'un ebbe amore umanu
Pe u pesu di a croce a lu spinu cristianu
Pe u cavallu mortu a l'entre di u veranu
Vi salutu, o Mari.

Pe li quattru orizonti chi inchjodanu lu mondu
Pe quelli chi la so sperenza piglia fondu
Pe quellu ch'un ha pedi e quellu ch'un ha mani
Pe lu malatu chi pensa a tutti li sani
Pe lu ghjustu accusatu e lampatu a li cani
Vi salutu, o Mari.

Pe la mamma chi sa chi u figliolu he vivu
Pe l'acellu chi chjama u s'acellucciu a u nidu
Pe l'erba ch'ha la sete e chi piglia l'acquata
Pe u ritimu chi un soldu s'ha truvatu
Pe lu to basgiu persu, e per l'amore datu
Vi salutu, o Mari