Låttexter: BAP. Amerika. Amok.

1)
Er hatt Hang wie ne Bagger,
ess ne Kaal wie ne Baum,
er hatt ziemlich schlaasch jeschloofe,
jede Naach daselve Draum.
Er broht da Wecker nit zo stelle, keine Termin,
die Stechuhr, die verha?te, waat nit op ihn.
Sing Arbeit maht jetz ne Computer, irjend`ne Chip,
hatt et kumme jesinn, doch leider notz ihm dat nix.
Er glauv janix mieh, alles Luje
un em Radio singk irjendeiner vun Liebe un Triebe.

Halver Sechs un er setz ahm Koschendesch
un er froht sich : " Wiesu ich ?
All die Johre, - woor dat nix ? "
un sing Phantasie lauf

Refr.:
Amok, wie`ne ahnjestochne Stier,
lauf Amok, Amok, hilflos wie`e Dier.
Er lauv Amok, och wenn et rein janix bringk,
Amok, wie en nem billije Fernsehfilm.

2)
Dat he ess sing dritte Tass Kaffee
un sing vierte Zigarett.
Er maht et Frostocksfernsehn ahn,
leis, weil sing Frau litt noch em Bett.
Er jitt sich Moh zo kapiere, wat da Kanzler erklart,
et fallt schwer, et konzentriere, woor widder spat.
Aach Flasche Bier un da letzte Mull och noch jeluhrt,
blo? nit bei ihr och noch versaare, kann et nit aff, wenn sie`n beduhrt.
" Einfach wegrationalisiere.
Wie soll ei Minsch do nit zom Zyniker weede, resigniere ? "

Keine Zweck, fohlt sich wie da letzte Dreck,
immer widder : " Wiesu ich ?
All die Johre, woor dat nix ?"
un sing Phantasie lauf

Refr.:
Amok, wie`ne ahnjestochne Stier,
lauf Amok, Amok, hilflos wie`e Dier.
Er lauv Amok, och wenn et rein janix bringk,
Amok, wie en `nem billije Fernsehfilm