Låttexter: A67. La Passione.

Cu' nu quarto 'e luna a schiari 'e penzieri
spaesato Giuanne se ne jeva
chella sera ca nun credeva
'a chello ca c'era succiesso
ma nun teneva niente 'a vede
e quanne tutto mancava nu posto
in paraviso 'o teneva assicurato
chesto Giuanne penzava
quanne da grotta turnava
addo senza parole 'o rre
l'aveva fatto conoscere quanto
era gruosso l'ammore do Signore
'n ammore senza nomme ca nun
apparteneva n' a femmina e n' all'omme
ma facenno 'o pare e 'o spare tra nu penziero e 'n ato
s'era fatto notte purtannese appriesso 'stu diavolo
in cuorpo ca senza senti ragione se cunfessaje
a 'n omme senza parola ca dinto o' giro 'e mezora
sputaje tutte cose fora e accussi primma ancora
ca 'o gallo cantasse tre vvote gia steva mmocca a tutto popolo
nu popolo ca tutto avessa potuto accetta ma mai ca o' rre
l'eletto fosse potuto nascere cu' 'o difetto e quanne
s'aizaie 'a voce c''o vuleva manna 'o munno 'a verita
nun ce penzaje ddoie vote a llo sputa nguollo e a llo
mettere in croce senza nisciuna pieta.

DI PASSIONE E D'AMORE
RESPIRA IL MIO CORPO
SENZA CERCARE
TRA LA RAGIONE ED IL TORTO
TRA LA RAGIONE ED IL TORTO

Ma chi 'o rre overo l'ha cunusciuto
a 'stu inciucio nun c'ha mai creduto
e allora chello che era parola addiventaje scrittura
pe' raccunta 'a verita a chi doppe fosse venuto
'na verita can une se metteva scuorno do povero
e do pezzente, do scartellato e do malamente
'na verita ca cancellaje pe' sempe chillu inciucio
'e niente c'aveva spurcato a nu re innocente
e infine quann do guverno s'aizaino 'e mure in terra
chi piagliaje oi cumanno 'a primma cosa ca facette
pe' leva ogni sospetto, cundannaje chill'ammore
senza nomme, comm 'n ammore ca nun teneva posto
dinto 'a 'stu munno e fui accussi ca 'n'anima senza colpa
e senza sciorta doppe ave sbagliato cuorpo
se truvaje pure do paraviso e da terra mise for' 'a porta

DI PASSIONE E D'AMORE
RESPIRA IL MIO CORPO
SENZA CERCARE
TRA LA RAGIONE ED IL TORTO
LA MIA PAROLA
DI SANGUE E DI CARNE
NON DARE RISPOSTE
CERCA IN TE LE DOMANDE